الرئيسية
حكاية صابر
مهداة الى ضحايا عبارة الموت
شفت صابر !!
كان مسافر
كان يقول للكفر كله
نفسى ابوس ارض النبي
هو غايتى ومطلبي
كان يقول للكفر كله
نفسي اطوف بالبيت والبي واما اشوف الكعبة جنبي
ح ادعى ليكى يا مه ربي
ح ادعى ليكى وادعى لابا
وادعي للناس الغلابة
اللي مش لاقيين عشاهم
او غداهم
واللي باع سيغة مراته
والي نفسه يشوف بناته
وف حياته
مبسوطين متسترين
واللي شارك ع الجاموسة واللي يحلم بالعروسة
واللي قاعد جنب قهوة الخليفة
كاب بيحلم بالوظيفة
واللي ....... واللي
كلنا فى الكفر يامه
تعبانين مخنوقين
زى م نكون ميتين
بس مش لاقيين كفن
اصله غالى .. سعره غالى
ع الغلابة المطحونين
نفسي اسافر
اصل انا ما بقت قادر
دقت مر ما لوهش اخر
****
أمه قالت يا د يا صابر
يا بنى خايفة تروح ما ترجع
والطريق مليان مخاطر
قلبي ما اعرف ليه واكلنى
رد صابر : يا امه ح ارجع
تحت رجلك تانى ح اركع
واشتريلك كام عباية تلبسيها يوم زفاف اختى الكبيرة
اللي مش لاقين جهازها
واللي عدا معاد جوازها
أمه قالت : وانت غايب
اوعه تنس امك واختك
ولا ربك
مصحفك دايما فى قلبك
والصلاة يابنى دى كنزك
روح يا صابر
بس ياابنى اوعاك تغيِب
اصل انا معادى قريب
وا نت شايف
يمشى صابر بس خايف
نفسه يرجع تانى لامه
نفسه ف العتمة تضمه
نفسه يمسح دمعة اخته
نفسه يلقى بلاده حره
نضفوها من كلاب ا لكفر كله
اللى مصوا الدم فى عروق الغلابة
والديابة ... اللى واكلين البلد
وبجاحة ....... وبتناحة بدون أدب
زى الجرب
يمشى صابر
وفـ طريقة وهوه راجع شاف عجب
شاف جبال الموت بتتحدى ا لغضب
بحر ليله مر عمره مـ ينغلب
ليه يا بحر غدرت بينا ؟
ولا مين وزك علينا ؟
ليه بتبلعنا فـ سفينه؟
ليه بتدفن حلم لسه م اتولد ؟
إيه باااابلد
ليه ف عتمة ليل طوييييل
ملوش نهار مات النهار
والغرابة ان الكبار عمرهم مـ يحسو بينا
د احنا طينه ........ وهما طينه
ناس كتير ف البحر ماتت
ايوه ماتت تحت موجه
موجه اعلى من حيطانكم
يمكن حتان البحر ارحم من حتانكم
إيه يا وطن
مد إيدك خد بإيدي
ليه بتتنكر لصابر
ليه تبص للديابه والحتان
لما تغرق زيي مش ح تلاقى إيدهم
دول ابالسة دول غيلان
ح يسبوووك ... ح يبعوووك
عمرهم مـ ينفعوك
مد إيدك شد صابر
مد إيدك شد صابر
مد إيدك شد صابر
صابر ابنك
لونه طينتك
اوعه تبخل بالكفن
اوعه تبخل يا وطن
اوعه تبخل يا وطن
بقلم / صبري محمود
مدرس- العشرة الاف - بحيرة
مع تحياات أسره المنتدى
مهداة الى ضحايا عبارة الموت
شفت صابر !!
كان مسافر
كان يقول للكفر كله
نفسى ابوس ارض النبي
هو غايتى ومطلبي
كان يقول للكفر كله
نفسي اطوف بالبيت والبي واما اشوف الكعبة جنبي
ح ادعى ليكى يا مه ربي
ح ادعى ليكى وادعى لابا
وادعي للناس الغلابة
اللي مش لاقيين عشاهم
او غداهم
واللي باع سيغة مراته
والي نفسه يشوف بناته
وف حياته
مبسوطين متسترين
واللي شارك ع الجاموسة واللي يحلم بالعروسة
واللي قاعد جنب قهوة الخليفة
كاب بيحلم بالوظيفة
واللي ....... واللي
كلنا فى الكفر يامه
تعبانين مخنوقين
زى م نكون ميتين
بس مش لاقيين كفن
اصله غالى .. سعره غالى
ع الغلابة المطحونين
نفسي اسافر
اصل انا ما بقت قادر
دقت مر ما لوهش اخر
****
أمه قالت يا د يا صابر
يا بنى خايفة تروح ما ترجع
والطريق مليان مخاطر
قلبي ما اعرف ليه واكلنى
رد صابر : يا امه ح ارجع
تحت رجلك تانى ح اركع
واشتريلك كام عباية تلبسيها يوم زفاف اختى الكبيرة
اللي مش لاقين جهازها
واللي عدا معاد جوازها
أمه قالت : وانت غايب
اوعه تنس امك واختك
ولا ربك
مصحفك دايما فى قلبك
والصلاة يابنى دى كنزك
روح يا صابر
بس ياابنى اوعاك تغيِب
اصل انا معادى قريب
وا نت شايف
يمشى صابر بس خايف
نفسه يرجع تانى لامه
نفسه ف العتمة تضمه
نفسه يمسح دمعة اخته
نفسه يلقى بلاده حره
نضفوها من كلاب ا لكفر كله
اللى مصوا الدم فى عروق الغلابة
والديابة ... اللى واكلين البلد
وبجاحة ....... وبتناحة بدون أدب
زى الجرب
يمشى صابر
وفـ طريقة وهوه راجع شاف عجب
شاف جبال الموت بتتحدى ا لغضب
بحر ليله مر عمره مـ ينغلب
ليه يا بحر غدرت بينا ؟
ولا مين وزك علينا ؟
ليه بتبلعنا فـ سفينه؟
ليه بتدفن حلم لسه م اتولد ؟
إيه باااابلد
ليه ف عتمة ليل طوييييل
ملوش نهار مات النهار
والغرابة ان الكبار عمرهم مـ يحسو بينا
د احنا طينه ........ وهما طينه
ناس كتير ف البحر ماتت
ايوه ماتت تحت موجه
موجه اعلى من حيطانكم
يمكن حتان البحر ارحم من حتانكم
إيه يا وطن
مد إيدك خد بإيدي
ليه بتتنكر لصابر
ليه تبص للديابه والحتان
لما تغرق زيي مش ح تلاقى إيدهم
دول ابالسة دول غيلان
ح يسبوووك ... ح يبعوووك
عمرهم مـ ينفعوك
مد إيدك شد صابر
مد إيدك شد صابر
مد إيدك شد صابر
صابر ابنك
لونه طينتك
اوعه تبخل بالكفن
اوعه تبخل يا وطن
اوعه تبخل يا وطن
بقلم / صبري محمود
مدرس- العشرة الاف - بحيرة
مع تحياات أسره المنتدى
